CLICK HERE FOR THOUSANDS OF FREE BLOGGER TEMPLATES »

27/04/2008

تاج من العزيزه الصديقه مى صاحبة مدونة نصف دسته افكار انا بشكرها قوى على التمرير وربنا يوفقنى اللى انا اقدر اجاوب عليه
بسم الله نبتدى
أذكر 10 أشياء عن نفسك
2 / اختر 5 أشخاص تهدى لهم التاج وأذكر سبب اختيارك لهم
3 / لا تهدى التاج لمن أهداك اياه
أترك لصديقك الذى أهداك التاج بان التاج نزل وتعالى شوفه/
اولا انا اسمى ولاء على من الاسكندريه خرية كلية التربيه قسم لغه عربيه
ثانيا بحب البحر قوى وبحب اقعد اقدامه بالساعات انظر اليه واسرح معاه بحس لو قضيت عمرى كله قاعده قدامه عمرى ما هزهق
ثالثا بحب بنتى حنين قوى ونفسى نكون اصدقاء مش مجرد علاقه ام ببنتها ونفسى ربنا يكرمنى بأطفال تانى ادعولى يا جماعه
رابعا شكلى هادى قوى كل اللى يشوفنى يقولى شكلك هادى جدا بالرغم من انى شقيه قوى وبحب الجرى والمرح
وبحب الضحك والهزار ومش بحب اكون معقده
خامسا بحب كل الناس ونفسى الناس تتعامل مع بعض بحب ومش يبقى فى زعل مع حد علشان الدنيا مش تستاهل اللى احنا نزعل مع بعض
سادسا بحب اتعامل مع الناس بطبعتى مش بحب اتصنع ولا اتكلف ولا ارسم حاجه مش فيه
سابعا بحب لما اتكلم مع حد اكون مبتسمه او بضحك بس دا بيضايق زوجى ويقولى لالا قولى لى يا جماعه هو كده صح ولالا على فكره لما الموقف بيكون حد بكون جد
ثامنا بحب الهدوء وانى اكون فى حالى مشغلش نفسى بالناس على الرغم بحب المه والعيله وبحب اصدقائى قوى
تاسعا اجمل حاجه فى حياتى انا سعدت بها هى عالم التدوين وفرحانه قوى اللى انا دخلت العالم ده وعرفت منهم احلى اصدقاء واحلى ناس بجد
عاشرا بحب اللى يتعامل معايا يتعامل على اساس فكر وعقل وبحب الحورات الفكريه قوى
اختر خمس اصدقاء تهدى ليهم التاج
انا شايفه اللى خمسه شويه على العموم ماشى
كاميليا
فرنسا هانم
ابى
انا ذاهبه الى مى ابلغها اللى انا جاوبت على التاج

20/04/2008

الحل فى ايدينا

الزواج هو حلم كل فتاه وشاب ولكن فى الاونه الاخيره اصبح الزواج اكبر عبء فى الحياه واصبحت متطلبات الزواج
شىء فوق احتمال الشباب
طبعا ارتفاع فى اسعار المبانى والحديد مع انخفاض فى مرتبات الشباب الا ان اصبح المرتب لا يكفى الا طلباته الشخصيه
على الجانب الاخر من الناحيه الاجتماعيه وهذا هو موضوعنا
نجد اسرة البنت تغالى فى المهر وفى تجهيز الشقه بل ايضا الاب يغالى فى تجهيز ابنته
انا ضد تماما التكلفه المفرطه فى الجهاز يكفى بس متطلبات الحياه فنجد اهل البنت يلزموا الشاب اشياء فوق طاقته
ويقولك العباره المشهوره بنتى مش اقل من حد هو حضرتك هتجوز سلعه ولا انسانه بتدور لها على انسان تطمن عليها معه
ثانيا تجهيز الفتاه نجد ان الاب يجز الفتاه يأشياء كثيره ترهقه وليس لها استخدام فى الحياه الزوجيه
يعنى مثلا نجد يحضر كذا نوع من الاوانى للطهى مثلا استانليس واللامونيوم و.... و...ز
والنيش اللى من الحيط للحيط مليىء باشياء كثيره
انا لما بشاهد جهاز اى فتاه بقول هو والداها بيجهز البنت وعيالها بعد كده ولا ايه الا ان دخل الامر فى التبهاى والتفاخر
حرام علينا اللى احنا بنعمله ده
انا بناشد كل اب وكل ام ياريت بلانش نغالى قوى فى المهور
اقلكم مهورا اكثركم بركه وياريت ندور على الشاب الذى يصون ابنتنا مش الشاب اللى يدفع اكثر
وكما قال المصطفى صلى الله عليه وسلم
إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير
وايضا بناشد كا ام وكل اب بلاش تغالى قوى فى تجهيز ابنتك ويكفى فقد متطلبات الحياه الزوجيه
ولو معاك فائض كده مش عيب تساعد زوج ابنتك كل ده راجع لبنتك وتحصن شاب من فتن العصر
انا وجة نظرى لا فيها ترخيص ولا حاجه لبنتك اهم حاجه الانسان اللى حضرتك مختاره هيقدر يصونها ولالا
وياريت يا شباب مش لازم نتجوز بكل حاجه فايف استار لا ندخل على قدنا وكل حاجه واحده واحده السلم بينطلع على
مراحل مش مره
واحده اللى قبلنا عملوا كده وكانوا اسعد ناس ياريت احنا كمان نعمل كده اهم حاجه الحياه السعيده
ولا يكلف الله نفسا الا وسعها

13/04/2008

رحله

احضرت ادوات الشنطه وجهزت كل ما تريد واستعدت جيدا للسفر وكلها عزم لتكملة الرحله وعلى الرغم من هذه العزيمه الا انها مجبره على الرحله فهى ليس بيدها الاختيار فهى قدر من الله

استعدت جيداًَوبدأت الرحله ورغم صعوبة الرحله وقسوتها والآمها فهى صابره لكى تصل الى المراد

فهى صامته وملقيه نظرها الى الافق البعيد راجيه من الله ما تريد

خائفه ان تترك فى واحة النسيان وتتحمل اعقاب شىء ليس لها ذنب فيه

فهل مجيب الدعاء يا الله ؟؟؟

راجيه منك انهاء الرحله فهى انهكتها عذاب الرحله

08/04/2008

العيب فينا ولا فى الناس التنين

سوف اتحدث اليوم عن قضيه مهمه قوى فى حياتنا اليوميه وهى العلاقه الزوجيه

عند تصفحى بعض مواقع النت وجدت رجل لا اذكر الموقع بالتحديد كاتب كيف تقرف زوجتك فى الحياه معاك

والردود عليه برافو هذه مقاله جميله وأدهشنى ايضا عندما وجدت سيده ترد عليه وتقول له انا ان شاء الله هنزل مواضيع

كيف تطفشى زوجك من البيت

لماذا كل هذا ؟؟؟؟؟؟؟؟؟؟؟؟؟

هذه علاقه حب بين اثنين وثقها الله من فوق سبه سموات وقال تعالى فى كتابه المحكم (ومن اياته ان خلق لكم من أنفسكم ازوجا لتسكنو ا اليها وجعل بينكم مودة ورحمه )ولم يجعل بينكم حرب ونفور

نجد الشاب قبل الزواج يحلم بعش الزوجيه ويوم الاستقرار يبحث عن الدفء والحنان وبعد الزواج نجد حرب وفتور بين الزوجين لماذا كل هذا العناء وقد جعل الله ميثاق الزواج الموده والحب والصفاء

نجد الرجل الذى يبحث عن البنات على النت واللى بيتفرج على الفيديو كليب ويبقى معجب قوى بالى بيحصل

ويبص لزوجته بقرف ما هذه سيده وتللك ايضا سيده افضل منها تمتلك ايضا كل ظواهر الانوثه ولكن يا أخى لا تعلنها الا

لزوجها فى اطار شريعى اما هؤلاء فهم سلعه تباع وتشترى

الزوجه التى تبحث عن الحنان داخل البيت فهذا رجل ايضا ابحثى معه عن الدفء والحان أعطيه من الوقت

اعطيه الدفء والحان شاريكيه همومه وافراحه وميوله

وياريت يا جماعه دعوه عامه وانا اولكم اهو نجعلها حياه جميله وليست حرب وازاى نكره ازوجنا لالالا

ازاى نحب ازوجنا ازاى نخليها اجمل حياه دا احنا بزواجنا بنجد فيها كل انواع الحب حب الحبيب والامومه وكيف نضحى من اجل الاخرين ياريت نتفاهم واللى مش عاجبه حاجه نصلحها فى الاخرين

وعلى رأى الحكمه كونى له اربع الصديقه والحبيبه والزوجه والام

و أقول للرجل ابحث عن الانوثه التى تريدها فى زوجتك هتجد كل ماتريد بدل ما تبحث بالغلط وقدامك الحلال كله

قرأت تدوينه للاحد الاخوه المدونيين يقول فيها اجعل زوجتك الحبيبه والزوجه بدل ما تبحث بره بالحرام وهى سوف تبذل قصارى جهدها من اجل ذلك وانا معه

ويا جماعه بلاش الطرائف التى تدين الحياه الزوجيه كده والزوج والزوجه بهذا المنظر الغيير لائق

وأخيرا اثبتت امريكا بلد الحريه والحريات فى العلاقه مع الاخرين انها تخسر قرابة الالالف كل عام ولا يوجد اسمى من العلاقه الزوجيه

دعوه ليكوا وانا اولكوا عايزين نرجع لحياتنا السعاده على رأى كامى يا صاحبة السعاده تعالى واحنا مش هنسيبك خالص

تحياتى وحبى للجميع ولاء

04/04/2008

ابن الريس عنده احساس

خير الله ما اجعله خير ان جمال حاسس بالشعب دى اخر نكته طلعت
من بضعة ايام شاهدت السيد المبجلل حمال مبارك على القناه الاولى فى مؤتمر
يقول السيد المحترم جيمى
انه حاسس بالشعب والحزب الوطنى الحرامى عمره ما كان بعيد عن الشعب هو بيسرق بس فيه
وانه حاسس بمعناة الشعب من ارتفاع الاسعار وان الاسعار سوف تثبت على هذا الحد
وانه سوف يرفع من اجور المواطنين
ده الكلام بأختصار بس انا عندى كام استفسار ليك
اولا فين ابوك هو قاعد فى البيت وبعتك انت تتكلم ليه ولا انت بقيت الريس واحنا مش عارفين هو مين اللى ولاك وبأمر مين انا معرفشى
ثانيا هو فين الاحساس ده و15مليون مصرى تحت خط الفقر ده الشعب كله بقى فقييير
ثالثا الراجل اللى اتقتل فى قناة السويس بأيد امريكا مين هياخد حقه ومن كتر احساسك لو اكن حد مات اصلا
ده اكنه كلب مات وخد الشر وراح
رابعا اداما عند البعيد احساس كده فين اموال قناة السويس اللى لواحدها بس تكفى مصر ولا انتم مشغلانها مجامله للحبايب امريكا وأسرائيل والاموال اللى اتخصخصت بيها الشركات راحت فييين واموال الغاز البترول
سرقنه ليه ونهابين البلد
اللى يغيزك بقه
انك تيجى تكلم الناس وتقول يا جماعه لازم ناخد حقنا يقولك يا عم مشى جنب الحيط احنا هنعمل ايه يعنى
انا عايز اربى عيالى يعنى هو انت كده عارف تربيهم
يقولك مصر كده من على ايام الفراعنه كل حاكم ناهب ظالم ليها
يا جماعه لو حطينا ايدينا فى ايد بعض هنعمل كتييير قوى قوى بس احنا اللى مش عايزين نتحرك
يااااااجماعه من الاخر
الناس دى عمرها ما هتمشى الا لما مصر تتغير وتبقى ايجابيه وتبطل سلبيه

02/04/2008

هكذا انت

اولا انا بشكركم جميعا وبعتذر عن عدم ردى عليكم وتأخيرى فمعذره انا كنت مشغوله شويه
وهذه خاطره من وحى الايام وجدتها فى اًَُناس من الحياه
ابعدنى عن حضنك فحضنك مليىءٌُ بالأشواك
يطعنى ويجرحنى فانت الظلم من الايام
ودربك ظلامٌُ توجد به ضباع وذئاب
فأنا كنت عاشقه فى حلم الآيام
استيقظت منه على واقع الالالم
تاهت خطواتى بين البشر وحلقت فى سماء العذاب والنسيان
أبعد أبعد كفاك تمثيل دور الابرياء
كفاك ظلم وغدر وتعذيب وشقاء
حزينة أنا لاننى صدقت عيونك الخداعه
وصدقت قناع أكتشفته بعد فوات الآوان
لن تستعيد الحب مهما بلغت من الدهاء
هيا ارحل وعش فى وحل الخيانه والرياء
وارجوكى
يا عين لا تدمعى وأوقفى سيل الدموع
كفاك حزن يا قلب فهذا حب مخدوع
وأسكنى براكين الغضب وأشعلى نار الانتقام
وقولى له بأن الآمل موجود وأن الزمن دوار