هو التعليم هيتخصخص هو كمان ولا ايه

فى برنامج القاهره اليوم اتصلت ولية امر تحكى مأساتها لعمر اديب وتحكى وتقول

اغثنا يا استاذ عمر اديب

انا عندى ثلاث اولاد كنت قد ادخلتهم مدرسه تجريبيه وكنت بدفع لهم المصاريف 150جنيه للفرد الواحد

لكن هذا العام قال مدير المدرسه لنا نحن أولياء الامور ان المصاريف قد زادت الى 1050جنيها

لان المدرسه بقت تجريبيه مميزه

وانا لا استطيع دفع هذا المبلع لان زوجى موظف (على قد حاله )ونحن اولياء الامور قد قمنا باعتصام امام المدرسه

وقام رجال الامن برش الماء علينا وتفرقتنا بالقوه وبصراحه رجال الامن شافين شغلهم كويس

سألها عمر اديب يمكن المدراس دى تطورت او ادخلوا لها وسائل تعليميه حديثه ؟

قالت له لم يطرأعلى المدرسه اى تغيير والمدرسه كما هى والاطفال اللى مدفعتش المصاريف لم تستلم الكتب الترم الاول

ولا الترم ده بل ووصل الحد انهم قامو بتطرد الاولاد الذين لم يدفعو المصاريف

وقالت السيده انا ابنى جاى من المدرسه منهار ومش عارفه اعمل له ايه

رد عليها عمر اديب وقالها طيب متودى الاولاد مدرسه اخرى

قالت له دى اصلا مدرسه اولادى ثم ان هذا النظام قد اصدروه على 12مدرسه فى الاسكندريه

ارجوك يا استاذ عمر اغثنا احنا مش عارفين نعمل ايه

سؤالى

هما ناوين يلغو مجانية التعليم الناس ديه تجيب فلوس منين ؟؟؟

مش كفايه الغلاء اللى الناس عيشاه

ثم ان انا قرأت فى موقع على النت ان قناة السويس لوحدها بتدخل بس دخل شهريا يكفى شعب مصر باكمله

الشركات اللى اتخصخصت الفلوس راحت فييين ؟؟؟؟؟؟

اراضى مصر اللى اتباعت فلوسها راحت فيين ؟؟؟ظ

الراجل ده عايز ينهب ايه تانى الراجل ده هيعمل بالفلوس دى ايه كلها

مصر بقت خرابه يا جماعه والله وعايشه فى غلاء وكمان عايزين يلغو مجانية التعليم

كده بقه لا هنعرفوا نعلمو ا ولدنا ولا حتى نأكلهم بركاتك يا مبارك