جلست هناك على شاطىء البحر وقت الغروب
فأنا من عشاقك يا بحرى وانا من هواة ساعة الغروب
جلست انظر الى الشمس وهى تعلن عن مغادرتها المكان
وتختفى شيئأًَ فشيأًَ وتلملم أطراف ثوبها الذهبى خلف السحاب
ووجها الأصفر الشاحب الذى أعياه مغادرتك
وأشعتها الذهبيه المنسابه على البحر تقتلع نفسها من حضن الامواج
لتأخذ منها الفرحه والسرور
وكم هى قاسيه السحب تسرق من البحر زرقة المياه
وفجأه ..........بدون أى مقدمات
ذهبت الشمس بنورها الوضاء وتغريد الحب والصفاء
ذهبت وذهبت معها ألوان السماء
وجاء الظلام ومعه الغموض والحزن واللامبالاه
والبحر صامت صموتٌُ غريب ؟؟
وكأنه ينذر بشىء رهيب
لم اعد ارى الطيور ولا اسمع صوت عصفور
والامواج تلاطم الصخور
وهى صامدة فى سكون ومستسلمه لما كان وما سيكون
رغم أنه شىء فوق الاحتمال
ولكنى أرى الأمل بازغا من بعيد
يبشر بإشراق فجر جديد
وانا جالسةاتلمس ضوءالشموس فى الأفق
آملة أن يعود
سمعت صيحات تعلوا بين خافقى
تقول هل انت يا صبح قريب
أم مازلت يا صبح بعيد ؟؟؟؟؟؟؟؟؟
63 comments:
عزيزتى ولاء
انا ايضا من عشاق لحظات الغروب
لحظات تتلاشى الشمس فيها رويدا رويدا
رغم قوتها ووهجها ونورها وحرارتها
تتلاشى فى لحظه ما املا فى صبح جديد
صبح يأتى اكيد
ولكنه صباح شمس فقط
تحياتى لتأملاتك
ولاء
اكيد ناس كتير هتحب وقت الغروب وتشبيهك جميل فى مجئ الظلام بسكونه وحزنه
كان الابنودى صور النهار بالعدل والحريه
وصور اليل بالظلم والقهر
أبداً .. بلدنا ليل نهار
بتحب موّال النهار
وان شاء الله النهار قريب ومش هيتأخر كتير
سلامووووووووووووووو عليكوووووووو
قريبا قريبا والله قريبا ان شاء الله
المرة ديه جيت بدري أهوه والبوست ده في بارقة أمل إلى حد ما
بس بجد البوست وصف المنظر بتلقائية جدا
بس أنا مختلف معاكي في حاجة لو الموضوع عن الليل والنهار بمعنى الليل والنهار
فالليل أنا شايفه أجمل من النهار بكتير ..بحس فيه بسكون وهدوء غير قلق ووش النهار .. لدرجة اصحابي بيقوليلي إنت بقيت كائن ليلي
أما إذا كان قصدك الليل والنهار بمفهوم الحياة الجميلة اللي احنا عايشينها ديه من انخفاض في الأسعار وجودة التعليم وتأميم القطاع الخاص
فليت النهار يعود يوما
عموما تحياتي ليكي
كان معكم ..,
كيكوووووووووووو
ولاء
لحظة الغروب ليست قاسية على البحر كما تطنين
فالبحر ليس بذالك الضعف حتى ينتظر النهار بل لديه اسراره وقدراته
اعاتبك على ذلك التصور واشيد برقة تصورك
فليتنا مثل البحر
ولا ننتظر الصباح
فلن يغير من الامر شيئاً
تحياتي
تعرفى انى اجمل لحظات الحب
هى لحظات غروب الشمس
عشان كدة انا بعشقها
كنت عامل قصيدة
بتتكلم عن الحب وغروب الشمس
كانت من اجمل القصايد اللى كنت كتبتها
بس الله يسامحنى حرقتها
مع قصايد كتير
حرقتهم
بس بجد خاطرة جميلة اوى
وكلام جميل مقدرش اقول حاجة عنه
تحياتى
انا بحب لحظة الغروب أما البحر اوي بتنح قدامها وبنسي نفسي
تحياتي
البحر
ياما مخبى
حنان وقسوه ورحمه وغدر
البحر هو الحياه
هو احنا بكل ما فينا
ورغم كل ده بعشقه
تخيلى بقى لو كمان وقت الغروب
والحنين
وانا بقى عليشه فى حاله نشوى اليومين دول عشان لسه بعد شهر هروح اسكندريه واشوفه اصله وحشنى قوى
البحر
إزيك ياولاء
الجزء بتاع ووجهها الأصفر الذابل كأنها أعيت لأنها سوف تغادرك
تشبيه عالي أوي
جميلة يا ولاء
تحياتي
:)
رغم قسوة الظلام
الا لولا الظلام لما كان الضياء
ولولا الليل لما كان الصباح
ضاقت فلما احكمت حلقاتها
فرجت وكنت اظنها لا تفرج
تحياتي لك
الشاعر بن هلال
ازيك ياولاء
عارفه اكتر وقت بتكون الدنيا فيه
فى غايه الظلام هى قبل شروق الشمس
ان شاء الله يكون الصبح
قريب كل ليل وله اخر
جميله اوى خواطرك واسلوبك
خالص حبى وتقديرى
يا بختك يا ولاء
قاعدة قدام البحر بكل عطائة و ريحته و ثورته و رقته و جماله و كمان فى وقت الغروب
جميل قوى الوقت و المكان و الكلمات من ارق انسان
تحياتى
احيكى على عمق الفكرة وحسن الطرح
مدومنتك جميلة وتستحق المتابعه
تقبلى تحياتى
الغريب قوي في موضوع البحر والشمس دول
انهم عجيبين قوي
كل يوم تطلع الشمس تشوف البحر ومهازله وبلاويه
جماله وقبحه
قوته وحنانه
غضبه ولطفه
وكل يوم تروح الشمس مدبوحه منه ومن كتر اللي شافته معاه
ومع ذلت ترجع تاني الصبح زي ما كانت بيضاء وحلوه ولسه منوره
وكأنه معملش حاجه وتديله فرصه تانيه
وتعامله كانه الو مره تقابله
والبحر يرجع زي كل يوم
بحلوه وبمره ويقتلها في اخر اليوم
وتروح مدبوحه
معرفش منين بتجيب طاقة المسامحه دي كلها
ولا هي بتتغير كل يوم ودي ضحيه جديده بتجيله
البحر مش هيتغير
لكن الشمس بتتجدد كل يوم
وبتتولد من جديد كي يوم
يبقى برغم الجرح والمشاكل والحزن لازم احنا كمان ناخد فرصه جديده كل يوم
ونعيش كل يوم كاننا بنتولد من اول وجديد وننسى اللي فات
ومنندمش على حاجه حلوه قدمناها
بجد كلماتك برغم انها مبهمه الا انها رقيقه قوي وبتقول كتير قوي بين السطور
تقبلي تحياتي
ودعائي بمرور الأزمه على خير
اخوكي ايهاب
سلاااااااااااااااااااام
عارفه يا ولاء
بغض النظر عن جمال اسلوبك وصدق تعبيرك
الا انى افضل لحظات الشروق عن العروب
لان الغروب تموت فيه الشمس ولكن الشروق المولد من جديد
الامل
تحياتى لقلمك المميز
جميلة جدا هذه الهمسات
تحياتي
ماشاء الله موضوع جميل جدا
عارفه من اكثر الاشياء الي ممكن ان نتعلم منها مشهدي الغروب والشروق
الغروب بااحس انه حال الدنيا وانه الموت لان لاي انسان سيأتي وتغرب ايامه ويموت ,وهذا حال الجميع لو نلاحظ اي شيء لابد وان يآتي عليه لحظات غروب
اما الشرةق فهو الامل والفرحه والتجديد في الكون ,وانه حتما سيآتي اليوم الذي ينجلي فيه الظلام بأذن الله
يقول الله تعالي
ان في اختلاف الليل والنهار وما خلق الله في السماوات والارض لايات لقوم يتقون فااختلاف الليل والنهار فعلا ايه من ايات قدرة الله العظيم
بوست رائع
وجزاكم الله خير
تحياتي لقلمك الذي صبغتعه الأسكندرية بجمالها وطبيعتها
بوست رائع
دمتِ بكل خير
عندها الأمل فى ان يشرق فجرٌُ جديد
طالما فىه امل يا حبيبتى يبقى لازم كل حاجه تتغير ان شاء الله
احساسك حلو موووووووت وتعبيرك يا ولاء
عارفه ياولاء انتى اتاخرتى علينا كتير بس بجد ليكى حق ان يتقال هذه مدونه متميزه
يعنى البوست جامد
جميل جدا الموضوع
وانا فعلا بحب جدا لحظات الغروب بحس انها عامله ذى الانسان لحظه الولادة
كاناه بيتولد يوم جديد
تحياتى مدونه جميله جدا
وان شاء الله اكون من روادها
حقيقي تصويرك للمشهد جميل اوي , لديك قدرة متميزة علي التصوير , ربما انصحك بالاتجاه للكتابة في مجال القصة القصيرة ان لم يكن تطرقتي اليه بالفعل ..
علي فكرة بيختلف الاحساس بمشهد الغروب من شخص لاخر فبينما يجد فيه شخص قمة الرومانسية فانه قد يتسبب لشخص اخر بحالة من الحزن الشديد مع نكأه لجراح ذكريات قديمة
تقبلي مروري
احساسك رائع يا ولاء
بجد حسيت بكلامك
اكتبى اكتر
انتى عندك موهبة كويسة
تحياااااااتى
تلاطم الصخور وهى صامدة فى سكون ومستسلمه
وقفت كتير قدام المعنى ده
لقيت ده فعلا
حالنا
الله
اما بوست جميل بشكل
لوحة فنية مرسومة بدقة
خطوطها فيها حياه
ابطالها الشمس والبحر والسماء
جميلة جميلة بجد
احساس رائع ياولاء
تحياتى وحبى
على فكرة
انا لما بكون مخنوق ومضايق ومش لاقي حد اكلمه
اقوم لابس وراكب العربية الميكروباص
واروح اقعد على البحر واشكيله وافضفضله
وبيسمعني وبحس براحة شديدة اوي بعد مااحكي كل اللي عندي
البحر والاسكندرية عشقي الاول والاخير
العزيزه ولاء
وقت الغروب من احب الأوقات لقلبي فهو يمنح فرصه للأسترخاء و الهدوء النفسي و لكن نور الشمس حيطلع اكيد و و يبدأ يوم جديد مليء بالتفاؤل انشاء الله
بحييك علي البوست المعبر
:)
احييكى سيدتى على هذا النضج لقد قمتى باختيار واحدة من اخصب وانضج اللحظات وقمتى بوصفها واصلة الى غرضك من السؤال عن الصبح فتحياتى لطريقتك الججميلة والناضجة ايضا
احترامى وتقديرى
عمرو
من اجمل اللحظات اللي ممكن الواحد يقضيها هي لحظات الغروب وهو بيراجع نفسه وبيفضيها
ويفكر في ماضيه ومستقبله
صورتي مشهد جميل في البوست ده
تحياتي
انا بقى مبحبش وقت الغروب انا بحب الشروق بحس بالامل
بس اكيد الصبح قريب وجاى جاى
تحياتى
وانا جالسةاتلمس ضوءالشموس فى الأفق
آملة أن يعود
سمعت صيحات تعلوا بين خافقى
تقول هل انت يا صبح قريب
أم مازلت يا صبح بعيد ؟؟؟؟؟؟؟؟؟
ما من ليل الا وله فجر
تحياتى لكى
هذه اللحظات...........هذة المناظر.........هذه الروائع........ذالك الجمال الرباني
تبارك المولي رب السماوات والارض
ادعو معكي ان تشرق الشمس مرة اخري والا فالظلام سيمتد الي داخلنا
الله عليكى يا ولاء طبعا انتى عارفه رايى من قبل ماكتبه بس انا هتكلم عن لحظات الغروب بالنسبه ليه بحس انها نهايه لمرحله عشان ابدا العب دورى فى مرحله تانيه وبجد كتير بتسبب ليا لحظات الم بس ميمنعش انها بتمزج بين احساسين متضادين الحزن والرومانسيه وكل عين تراها كما تحب
خالص تحياتى لاحلى ولاء الى بجد شعرها وكلامها بيدخل القلب بدون اذن
سلام عليكم
لا استطيع ان اجلس على الشاطء مثلك اترقب في امل
لا استطيع ان احكي عن ذكرياتي البريئه
لأني وبخلاصة القول
مذنب
حتى البحر لن يستقبلني الأن
لأنه يعلم السر
هو راني اقتلها
هو رأني القي بجثتها في اعماقه
هو شاهد على جريمتي
والشمس
لم تعد تشرق بلون الصفاء في وجهي
الأن ارى الشمس حمراء فقط
لم يعد لي حق رؤيتها في الصباح فقط حين تموت اشاهدها
ربما هذه لعنتي
اني بعد ان قتلت شمسي
الا ارى اي شمس اخرى
لكي مني كل التحيه
ra7eel
تحياتى ليك ايضا وربنا يكرمك فعلا لحظه الغروب بذات على البحر حسيت احساس تانى خالص
**********************
بحبك يامصر
فعلا حياتنا زى ما فيها ليلا ونهار قيها غروب وشروق وفى ناس بتحب الغروب وفى ناس بتستنى الشروق
*****************************
kikooooooooo
انا بقه من رائى اللى احنا منقدرش نعيش من غير الليل ولا النهار لانهم هما مكملين قوى ومنقدرش نعيش من غيرهم بس انا هنا بتكلم عن حالة الياس اللى ممكن تصيب الانسان وعايز يلاقى الامل فى بكره او فى الصباح
WhItE HeArT
بس البحر فى الشروق احلى وشكله احلى بتلون درجات الزرق لكن الليل بيغر لون البحر ومش بيخلى ليه لونبس انا هنا مش بتكلم عن الليل والنهار بمعانيهم الاصليه لا انا بتكلم عن الحزن والفرح للانسان واكييد الاتنين بيفرقوا واكييد فى حاجات هتتغير كتير
*********************
امدحت محمد
بس انا بقه مستنيه تكتب حاجه عن الغروب ونشوف ابداعك يا مدحت
وفعلا ساعة الغروب يحلى الكلام مع الحبيب وخصوصا على البحر اسال مجرب هههه
*******************************
المفقوعة مرارتها
مش هنختلف وعموما الانسان مقيدرش يعيش من غير الاتنين
******************************
منى
يارب الشهر يعدى بسرعه علشان تروحى اسكندريه فعلا انا كمان بنسى نفسى قدام البحر
************************
maii bahaa
انت الاجمل والله ربنا يكرمك يارب
**************************
اجري على الله
فعلا حقا اخى كما قلت ان الحياه عباره عن ليل ونهار احزان وافراح والالام وانا املى فى الله كبيير
******************************
klmat
انت الاجمل والله ساعات الانسان بيبقى عايز الصبح يجى بسرعه علشان بتبقى فى حاجات حلوه مستنياه
********************************
Rania
انت اللى جميله ورقيقه يا رنيا ويارب تروحى تقعدى على البحر وتشوفيه كمان انا كمان من هواة البحر اقوى هو يتحب صراحه
**********************************8
عمر المصرى
شكرا لك على رائى حضرتك وانا دائما فى انتظارك
******************************
الشنكوتي الكبير
بجد انت عملت بوست لوحدك وانا اتفق معك فى كل كلمه
*****************************
انا برضه من عشاق لحظات الغروب
بحب أتأمل الشمس و هى بتحضن البحر
و هى بتشرق و هى بتغرب
بس مبحبهاش لما بتكون الدنيا مولعة !!!! :))))
تحياتى ليكى يا ولاء
ياه لسة ناشرة عن البحر
:)
البحر حبيبي
والصبح قريب .. قريب جدا باذن الله
تحياتي
مشاعر جميلة, احب البحر و احب همسات امواجه... و احب غروب الشمس و كنت
احب ان اشاهدها بجوار نهر النيل...
اما الفجر...فهو لابد ان يلوح...و ان يجلب معه الدفء و النور...
بعد كل ليل فجر...وبعدكل ظلام نور...
ودائما يأتيا الانسان من اشراقة داخلنا نحنا...
تحياتي و تقديري.
بجد كلمات جميلة جداااااا جداااااا
ومشاااعر أجمل
والله بوست رااااائع
أخوكم إخوانى حتى النخاع
http://ikhwangeeee.blogspot.com
مش مهم الصبح قريب ولا بعيد بس المهم انك تكونى واثقه انه جاى حيفرق معاكى جدا
قلوب بتغنى
فعلا عندك حق الشروق بيدينا اامل فى بكره وبيخلينا نحس بللامل
___________________________________
أحمد سعيد بسيوني
شكرا لحضرتك ويارب اكون عند حسن ظنك دائما
*************************
الفاتح الجعفري
فعلا الحياه عباره عن ليل ونهار وحياتنا ايضا عباره عن شروق وغروب
هكذا هى حياتنا وهذه هى سنة الله فى الارض نعم ياااخى انا املى فى الله
اكييد الشروق جاى باذن الله
القلم السكندري
شكرا اخى الكريم ليك وبارك الله فييك
**************************
appy
شكرا ليك كتير ويارب دايما احساسى يعجبك يااااقمر
****************************
غربة وطن
ان شاء الله يا اخى الكريم
*********************
صوت من مصر
لا بجد انت اللى كلامك جامد عليا قوى على العموم يا سيدى شكرا ليك كتيييير
******************************
§a§a
وانا دايما فى انتظارك شكرا ليك كتيييير
عزيزتى ولاء
انا بحب اكتر الفجر لما يتنسم ياااااه بحب جداً المشهد دا لما الخيوط البيضا بتظهر من الخيوط السودا جميل جداً وخصوصاً لما يكون فى مكان فى بحر . لكن الغروب بيبقى مشهد رائع برضوا بس بحس انى زعلانه علشان اليوم خلص والليل بييجى شوفى يا ولاء هى كل اوقات ربنا حلوه بس انتى احساسك جميل قوى وبتعرفى تعبرى عن مشاعرك بأسلوب سلس احييكى عليه
خالص تحياتى
اكيد الصبح قريب
ان شاء الله وقريب جداً
لحظه الغروب
تعتبر عندى من احسن لحظات اليوم
هى ولحظه الشروق
بوست جميل ماشاء الله
السلام عليكم
كلماتك كما تعودناها دائماً تمتاز بالسهوله والقوة وعمق المعنى والإحساس .
كلماتك تعبر عن صورة الغروب بشكل بديع وقوى
كام يمكن تحميلها الكثير من المعاني والرموز والإيحاءات .
خالص تحياتي إلى قلمك المبدع
ولاء بجد انا اسف لانى جيت متاخر قوى بس انت عارفه المذاكره الموضوع حلو قوى بجد واحساسك عالى وعلى انا بموت فى ساعات الغروب والشروق ايضا
الفارس الملثم
فعلا حقا كما قلت الظواهر الكونيه التى اوجدها الله فى هذا العالم يفسرها كل انسان على حسب الحاله النفسيه له
فلحظة الغروب تختلف من شخص للاخر من وجهة نظره
********************************
مروة الزارع
شكرا ليك يا مروه وشكرا لمرورك
***************************
فرنسا هانم
ومش عارفه هنفضل لحد امتى صامتين وسكاتين كده
********************************
كاميليا
طالها ان كاميليا اللى بتقولى كده يبقى انا فعلا افرح بقه
****
الجمعاوي الاصيل
فعلا انا لما بقعد على البحر بنسى نفسى وببقى مش عايزه اقوم
********************************
اجندا حمرا
شكرا ليك كتييير
******************************
انسان بلا عنوان
شكرا ليك يا عمرو ويارب دايما اكون عند حسن ظنك
******************************
sendbad
فعلا لحظات الغروب بتختلف وجهة نظرها من ان للاخر وعلى حسب حالة الفرد
ضد الظلم
يارب انا املى فى ربنا كبييير
********************************
haitham
اكيد كل ليل وله فجر بس فى ليل طويل وفى فجر بيجى بسرعه
********************************
mohaawad8
اللهم ما امين يارب
***********************
only spot
ايه الكلام الجامد ده لالالالالا ده كتييير عليا ربنا يسعد ايامك يارب
انا مذنب
انت حسستنى بأحباط بجد لييييه النظره الوحشه دى ولا انت قتلت مييييين
****************************
Eman Eltaher
انا بقه الدنيا لما بتبقى مولعه بنزل العصر هههدمت بكل الود
****************************8
سنووايت
كتيير بيتكلموا عن البحر اصل ليه عشاق كتيييير
**************************
الربان
حقا بعد كل فجر صباح واشراق شمسا جديده
***********************
ikhwangeeee
شكرا لك اخى الكريم
****************************
رئيس جمهوريه نفسى
عارف يا محمود ساعات بيبقى الحلم احنا بنستنها من ربنا علشان هو الوحيييد القادر على اعطائنا الحلم ده وانا املى فى ربنا كبييير فهمتنى
*********************************
haneen
اكيييد كل اوقات ربنا حلوه احنا لا بنقدر نعيش من غير الليل ولا من غييير النهار كمان
بس حاله شعوريه كما قلتى فى الاول تمثلتها فى الليل والنهار وفقط
***************************8
raspoutine
يارب يارب يارب
Hosam Yahia حسام يحى
فعلا سبحان الخالق مظاهر كونيه عكس بعض تماما وقدره من الخالق عظيمه قوى
**************************
علاء سالم
شكرا ليك يا علاء شهاده اعتز بيها
لا بس بجد ولا بتجامل يعنى ههه
***************************
العراف
ربنا يوفقك يارب وتنجح باعلى الدرجات يارب ربنا يعينك ويقويك
طبعا الحروف والمشاعر دى لازم تيجى من الاسكندرانيه الحلوين
فكل شىء فيها ممتع سبحان الله
فمنها اكيد استمديتى كلاماتك
ومشاعرك واحاسيسك الرقيقه
يارب بكره الشمس تيجى لينا بكل خير
وحب وسعاده
سلميلى على حنين
انتي اتكلمتي عن اكتر حاجه بحبها وبعشقها في الدنيا كلها
البحر وقت الغروب
وكلامك الرائع زادني عشقا له
بجد رائعه جدا ربنا يوفقك
تحياااااااااتي
كلامك جميل وفيه معانى كتييير اوى منها ان المهما اشتدت الظلام والظلم والنور قادم لامحاله ولابد ان يكون لدينا امل فى الحياه
تحياتى ليكى وكان نفسى اسمه تعليقك فى اخر مواضيعى
دنيتى الجميله
انت اللى جميله وبطلعى كلام مقدؤرش عليه يااا قمر وصل سلامك يا حبيبتى
******************************
دينا حامد
انا كمان لما بقعد على البحر بنسى نفسى والله مش عارفه ليه الظاهر انه ليه محبييين قوى وكتيييييييير
**************************
secret-love
انا ذهبت بالفعل وتركت ليك تعلق
بس بجد شكرا على الثقه دى
جميله جدا جدا جدا
شكلك رومانسيه وهاديه
بتفكري كتير مش كده
اتمنى انك تكتبي أكتر
الله علي احساسك الرائع والجميل يا اختي يا حبيبيتي انا معرفش ان ليه اخت شاعرة بالجمال ده بس انا عايزك تعملي بوست عن حكايه حصلت معانا زمان والصغراء معايا بتفكرك بيها "البطه وعيالها ....يا ستي" طبعاً ده حكايه متتنساش انا واختك دلوقتي قاعدين بنفتر الايام الحلوة ايام زمان مع الاخت الثالثه "سميه" تحياتي ليكي والله ينور علي البوست الجميل ده
ولاء
إحساس عالي قوي بمفردات المكان
ياترى كتبتي البوست ده وانتي تقفين فعلا على شاطئ البحر وقت الغروب
المهم كل الاسقاطات التي في تلك الخواطر جميلة رغم كتير ممكن يكتبوا خواطر مختلفة تماما تخص تلك اللحظة الشاعرية
إلا لانك مهمومة بأشياء لها كبير الأثر لديك سواء على العموم أو الخاص لديك
ابدعتي يا ولاء
تحياتي ارابيسك
Post a Comment